S Lebe
Höhe und Tiefe in de junge Zit
do stosch drüber des berührt die nit
bisch am ussortire was willsch und was nit,
uf de Suechi noch dim Lebensglück
und wenn grad meinsch de weisch was de wit
kriegsch vom Lebe ä Schlag in s Gnick
Aber ganz egal was chunnt
Sekunde für Sekunde, Stund für Stund.
Sorge bruche mir uns keini mache,
mir schaffe des mit guter Launi und me Lache.
D Jöhrli laufe immer schneller,
üsi Wünsch die werde immer spezieller,
häsch ä Hüsli baut und ä Bäumli pflanzt,
de 40ger gfiirt und uf em Tisch umme tanzt
und grad freusch di über soviel Glück,
haut dir s Lebe wieder d Hand in s Gnick
Aber ganz egal....
Und wenn im Lebe dann alles passt,
dann würsch vom Alter überrascht.
De Körper zeigt der, dass de 60ig bisch
de Chopf meint immer no, dass de 20ig bisch.
Chasch due und lo grad was de wit,
bis zum letzte Schlag in s Gnick
Wenn i jetzt Urlaub hät
Wenn i jetzt Urlaub hät im ä Strandkorb am Meer
oder irgendwo am See mit me schöne kühle Bier,
i weiß gar nüm wie s wär, es isch viel z lang her,
nur du und i und Sunne, Strand und Meer.
Was i jetzt mache dät wenn i Urlaub hät
dät mi uf s Fahrrad schwinge und dann ab in s Gjett.
Chönnt uf ein Schlag alles hinter mir lo
und än Film aluege oder in s Schwimmbad go.
I mach d Auge zue und stell mir vor i bi am Meer
ganz egal wo d Hauptsach du bisch dann bi mir.
Wenn i jetzt Urlaub hät im ä Strandkorb am Meer
oder irgendwo am See mit me schöne kühle Bier,
i weiß gar nüm wie s wär, es isch viel z lang her,
nur du und i und Sunne, Strand und Meer..
Was i jetzt mach dät wenn i Urlaub hät
dät einfach liege bliibe und dann Frühstück im Bett.
Nur i muss halt in s Büro und cha nit in Urlaub go,
i ha de Summerurlaub halt scho an de Fasnacht gno.
I mach d Auge zue und stell mir vor i bi am Meer,
ganz egal wo d Hauptsach du bisch dann bi mir.
Wenn i jetzt Urlaub....
Gnieß jedi Stund
"Dätsch s wider so mache oder dätsch öbbis ändere"
hät er gfrogt und mir in d Auge gluegt.
Er hät s Lebe gmeint mit alle Höhe und Tiefe
mengs häsch in de Hand
und mengs chunnt halt wie s chunnt
Gnieß jedi Stund und jedi Sekunde
jetzt isch die Zit noch dere du di
in 20ig Johr in so menge Stunde
zrucksehne wirsch - wie schön isch s früher doch gsi
So mengi Entscheidung hinterlosst au Wunde,
des git s nit nur wenn du no jünger bisch.
S isch nüt für d Chatz, denn jedi glebti Sekunde
macht di zue dem was de spöter mol bisch.
Gnieß jedi Stund...
Wenn i dir jetzt so in d Auge lueg,
dann weiss i gnau, dass i do richtig bi,
denn i chönnt in mim Lebe uf so viel verzichte,
aber nit uf so Froge und erscht recht nit uf di.
Gnieß jedi Stund...
In uns alle
So menges chönntsch der spare,
denn hinterher duet s der leid,
was isch bloß in mi gfahre,
was hät mir de Chopf verdreiht.
I mueß oft an früher denke,
do hät Mueter zue mer gsait,
es git zwei tief in dir drinne
beidi stark zuem Kampf bereit.
Denn es git zwei,
ein mit Flügel, ein mit Chralle
Denn es git zwei - in uns alle
De eini kämpft für Glück und Sege
er lebt vo Liebi, Mitgfühl, Freud.
De anderi bringt nüt Guets im Lebe,
er lebt vo Angst, Wuet, Zorn und Neid.
Und wer Siiger bliibt vo beide
des entscheidet sich durch di,
dem wo du s Futter gisch zuem Lebe
de wird am End de Sieger si.
Denn es git zwei...
Guetedel
Zuem Esse git s hüt ä Glas Wi,
d Bedienung frogt was soll s denn für ein si
und uf mi Frog: "Was passt zue dem Menue ?"
do legt sie los und i lueg nur blöd dri.
De wär herrlich frisch und fruchtig,
hät am Gaume ä tiefi Restsüeßi,
isch in de Nase rauchig würzig,
verwirrt lueg i si a und bstell ä Guetdel
no weiß i was i ha
und si sait
de isch jugendlich und knackig,
mit me harmonisch lange Abgang hintedri,
frisch und fruchtig, herrlich bluemig
i lueg si zfriede a und trink mi Guetedel
no weiß i was i ha.
Zuem Nochtisch soll s ä Kaffee si
d Bedienung sait: "Do hän mer mehreri"
und uf mi Frog: "Und was empfehle si ?"
do legt sie los und i lueg nur blöd dri.
Cappuccino oder Kaffee Schümli
Latte Macchiato oder eifach schwarz
und ä kräftige Espresso
verwirrt lueg i sie a und frog si unschlüssig,
ob sie s wiederhole cha.
Cappuccino oder Kaffee Schümli
Latte Macchiato oder eifach schwarz
und ä kräftige Espresso
verwirrt lueg i sie a und bstell ä Guetedel
no weiß i was i ha.
Schieb s nit uf
Mit eme Kaffee sitz i an de Theke,
nebe mir än ältere Ma.
Großi Händ, Dreck unter de Nägel
er hät scho ä paar Bierli gha.
Dann fangt er eifach a z verzelle,
vo sinere Frau er sait: "Chumm und lohs.
Mir hän no soviel mache welle,
verdammte Chrebs losst ere kei Chance"
Du chasch di ganzes Lebe warte,
chasch di ä ganz Lebe freue druf
und i hören jetzt no sage:
"Wenn öbbis vor häsch - schieb s nit uf"
Reise und an s Meer go bade
uf was er gwartet hät weiß er nit.
I ha di gern wot er nomol zu nere sage,
in sine Wort schwingt Wehmuet mit.
Du chasch di ganzes Lebe...
Bim go dreht er sich um und sait zue mir:
"Leb jede Tag so wie s de letzte wär"
Du chasch di ganzes Lebe....
So ä schöne Tag
S isch endlich Wucheend und am Horizont wird Licht.
Ä Handvoll Wasser wäscht mer d Wuche us em Gsicht.
Frühstück uf em Balkon, ä Kaffee schwarz mit Toast
i bi gli sowit, denn jetzt goht s los.
Ä so ä schöne Tag d Sunne lacht mi a
Na na na na na na na na na an
An so me schöne Tag isch s Lebe wunderbar
Na na na na na na na na na na
Hüt isch hüt und über s Wucheend isch klar
mir denke nit an morn und was gestern war.
S isch endlich Wucheend chas öbbis Schöneres ge,
aber d Abwechslung macht s des mueß mer au mol seh.
Nur Wucheend wär au nüt guet, dass i mi Arbet ha,
sodass i mi vom Wucheend erhole cha.
Ä so ä schöne Tag d Sunne...
S isch Sunntigzobe und de Mäntig chlopft an Türe a,
obwohl i mit em Wucheend no gar nit fertig war.
S Wucheend isch immer furchtbar schnell vorbei,
i bi für "zwei Täg schaffe und fünf Täg frei"
Ä so ä schöne Tag d Sunne lacht mi a
Na na na na na na na na na an
An so me schöne Tag isch s Lebe wunderbar
Na na na na na na na na na na
Hüt isch hüt und über s Wucheend isch klar
mir denke nit an morn und was gestern war.
Was soll s
Jetzt bin i scho sit zwo Stund do
und ha eigentlich grad welle go.
I ha denkt hüt würd i nit alt,
no hät dä nebe mir ä Rundi zahlt
und so nümmt dä Obend dann sin Lauf - aber
Was soll s - muen mir denn jetzt scho go
Was soll s - mir bliibe no weng do
Was soll s - mir hän nüt anders z due
Was soll s - denn jünger chömme mer nüm dezue
Des Bier war guet, jetzt wil i goh.
Dä gegeüber luegt scho so,
er sait: "Uf eim Bei chasch nit stoh"
wege dem lön mer no ä Rundi cho
und so nümmt dä Obend dann sin Lauf - aber
Was soll s - muen mir denn jetzt scho go
Was soll s - mir bliibe no weng do
Was soll s - mir hän nüt anders z due
Was soll s - denn jünger chömme mer nüm dezue
Was soll s......
Ganz egal
Wenn i au mein, dass alles still stoht,
beweg i mi doch, wenn s um mi Lebe goht.
Und uf de Fahrt an mi Ziel
do lit s an mir mit wem i fahre will.
Wenn d Richtung au stoht wo i ane fahr
ä paar Weiche git s wo i no stelle cha,
im Zwiifel, ob s dann die richtig isch
war s richtig für mi, wenn du bi mir bisch.
Ganz egal wohi die Reis au goht
Ganz egal was au im Fahrplan stoht
es isch guet - es isch guet - es isch guet so wie s isch
solang, dass du bi mir bisch.
Es chömme Mensche dezue an dene mir sehr viil lit.
Ä Menge würd mi verloh, ob i will oder nit.
Drum bin i froh, dass i bi dir bin,
denn nur mit dir do macht di Reis richtig Sinn.
Ganz egal wohi die Reis....
Gedanke
I cha s immer no nit glaube, dass i di jetzt nümmi si.
I heb mi Erinnerung fest, i will eifach nur bi dir si.
Hilflos sitz i do, mini Gedanke sin nur bi dir.
S isch alles ruhig i hör din Atem nur,
i ha ä Gfühl wo i nit chenn in mir.
S het no soviel z verzelle ge, so viili Froge het i no gha.
Jetzt weiß i wie kostbar Augeblicke sin
wo mer no öbber in Arm neh cha.
Hilflos sitz i do, mini Gedanke sin nur bi dir.
S isch alles ruhig i hör din Atem nur,
i ha ä Gfühl wo i nit chenn in mir.
I will dir nur nomol Dankschön sage für all die Zit mit dir
und wenn mer di zur Ruhe trage dann bin i ganz noch bi dir.
Hilflos sitz i do, mini Gedanke sin nur bi dir.
S isch alles ruhig - i hör gar nüt me -
und i ha dürfe bi dir si.
Hilflos sitz i do, was au passiert i denk an di
und i lueg an Sternehimmel no cha i bi dir si